آئی ایم ایف مشن چیف برائے پاکستان نیتھن پورٹر نے پاکستانی وفد کے ساتھ ملاقات کے بعد اعلامیہ جاری کیا ہے۔

آئی ایم ایف کے اعلامیہ میں کہا گیا ہے کہ وزیر خزانہ کے ساتھ اقتصادی پالیسیوں پر بات چیت نتیجہ خیز رہی،آئی ایم ایف مئی میں اپنا مشن پاکستان بھیجے گا، تاکہ ساتویں ای ایف ایف ریویو کو مکمل کرنے کے لیے پالیسیوں پر مزید بات چیت کی جا سکے۔ میٹنگ میں غیر فنڈ شدہ سبسڈیز کو واپس لینے کے لیے فوری اقدامات پر بھی اتفاق کیا گیا ہے۔اعلامیہ میں مزید کہا گیا ہے کہ پاکستان نے پروگرام میں جون 2023 تک توسیع کی درخواست کی ہے، پاکستانی حکام موجودہ چینلجز سے نمٹنے کے لیے پرعزم کا اظہار کیا ہے۔

آئی ایم ایف کے ترجمان گیری پرائس نے بھی ٹویٹ میں کہا کہ ’آئی ایم ایف کے ڈپٹی مینیجنگ ڈائریکٹر اور پاکستان کے وزیرِ خزانہ کے درمیان توسیعی فنڈ کی سہولت برقرار رکھنے کے حوالے سے مثبت بات چیت ہوئیگزشتہ روز وفاقی وزیر خزانہ مفتاح اسماعیل نے آئی ایم ایف حکام کے ساتھ ملاقات کے بعد ایک پریس کانفرنس سے خطاب کرتے ہوئے کہا تھا  ڈیفالٹ کا کوئی چانس نہیں، اس سال ٹیکس ریٹ بڑھانے کا ارادہ نہیں لیکن ہمیں مشکل فیصلے کرنا ہوں گے۔

Good meeting between Deputy Managing Director Antoinette Sayeh and Pakistan Finance Minister @MiftahIsmail about policies needed to continue the Extended Fund Facility program.
A mission is expected to visit Islamabad in May to continue the discussions.

— Gerry Rice (@IMFSpokesperson) April 24, 2022

پاکستان مسلم لیگ (ن) سے تعلق رکھنے والے وفاقی وزیر خزانہ مفتاح اسماعیل نے کہا کہ غربت میں کمی کیلئے بے نظیرانکم سپورٹ پروگرام میں رقم بڑھائی جاسکتی ہے، اسٹیٹ بینک کو خودمختاری دی جا چکی ہے۔