اسلام آباد ہائیکورٹ نے پی ٹی آئی فارن فنڈنگ کیس کا فیصلہ30 روز میں کرنے کا عدالتی حکم معطل کر دیا۔
پاکستان تحریک انصاف کے رہنما فیصل جاوید نے کہا کہ پیپلزپارٹی اور ن لیگ کی فنڈنگ کا کوئی ریکارڈ نہیں ہے۔سماجی رابطے کی ویب سائٹ ٹوئٹر پر اپنے جاری کردہ پیغام میں فیصل جاوید خان نے کہا کہ انصاف سب کے لیے برابر ہونا چاہیے۔فیصل جاوید نے کہا کہ تحریک انصاف وہ واحد پارٹی ہے جو محب وطن پاکستانیوں سے عوامی فنڈ ریزنگ کرتی ہے اور تمام تر ریکارڈ موجود ہے۔
انصاف سب کے لیے برابر ہونا چاہیے-تحریک انصاف وہ واحد پارٹی ہے جو محب وطن پاکستانیوں سے عوامی فنڈ ریزنگ کرتی ہے اور تمام تر ریکارڈ موجود ہے-
پیپلز پارٹی اور نون لیگ کی فنڈنگ کا کوئی ریکارڈ نہیں- کہاں سے آتا ہے اتنا پیسہ- حساب دینا ہوگا- تمام جماعتیں بشمول تحریک انصاف جواب دہ ہیں— Faisal Javed Khan (@FaisalJavedKhan) April 25, 2022
انکا کہنا ہے کہ پیپلز پارٹی اور ن لیگ کی فنڈنگ کا کوئی ریکارڈ نہیں، کہاں سے آتا ہے اتنا پیسہ، حساب دینا ہوگا۔پی ٹی آئی فیصل جاوید نے اپنے ٹوئٹر پیغام میں مزید کہا کہ تمام جماعتیں بشمول تحریک انصاف جواب دہ ہیں۔
دوسری جانب سابق معاون خصوصی برائے سیاسی ابلاغ ڈاکٹر شہباز گل نے ٹوئٹر پر جاری ایک پیغام میں کہا ہے کہ اسلام آباد ہائیکورٹ کو تمام پارٹیوں کی فنڈنگ کا فیصلہ ایک ساتھ کرنے کا حکم ایک بہترین فیصلہ ہے۔انہوں نے کہا کہ اب آئے گا اونٹ پہاڑ کے نیچے، اب پتا چلے گا کون کون پارٹی فنڈنگ کے نام پر بھتے لیتا رہا، ن لیگ اور پیپلز پارٹی فنڈنگ کے نام پر کس طرح منی لانڈرنگ اور رشوت کا پیسہ اپنے اکاؤنٹ میں ڈالتے رہے۔
اسلام آباد ہائیکورٹ کو تمام پارٹیوں کی فنڈنگ کا فیصلہ ایک ساتھ کرنے کا حکم ایک بہترین فیصلہ ہے۔اب آئے گا اونٹ پہاڑ کے نیچے۔اب پتا چلے گا کون کون پارٹی فنڈنگ کے نام پر بھتے لیتا رہا۔ ن اور پی پی پارٹی فنڈنگ کے نام پر کس طرح منی لانڈرنگ اور رشوت کا پیسہ اپنے اکاؤنٹ میں ڈالتے رہے۔
— Dr. Shahbaz GiLL (@SHABAZGIL) April 25, 2022
