نو منتخب وزیر اعلیٰ پنجاب حمزہ شہباز نے گورنر پنجاب کے انکار کے بعد حلف برداری نہ ہونے پر دوبارہ لاہور ہائیکورٹ سے رجوع کرلیا۔
حمزہ شہباز کی درخواست میں پنجاب کیساتھ وفاقی حکومت کوبھی فریق بنایا گیا ہے، وزیراعظم کوبذریعہ پرنسپل سیکرٹری فریق جبکہ صدر و چیئرمین سینیٹ کوبذریعہ سیکرٹری فریق بنایا گیا ہے۔
درخواست میں موقف اختیار کیا گیا ہےکہ لاہور ہائیکورٹ نے صدر پاکستان کو وزیراعلیٰ پنجاب کے حلف کیلئے نمائندہ مقرر کرنے کی ہدایت کی تھی، لیکن اس کے باوجود اب تک عدالتی احکامات پر عملدرآمد نہیں کیا گیا، عدالت کے حکم پر عملدرآمد کیلئے احکامات جاری کئے جائیں۔
ذرائع کے مطابق حمزہ شہباز کی حلف برداری کیلئے درخواست سماعت کیلئے مقرر کردی گئی ہے، چیف جسٹس لاہور ہائی کورٹ امیر بھٹی 26 اپریل کو درخواست کی سماعت کریں گے۔
