وزیراعظم شہباز شریف کی زیر صدارت دورہ سعودی عرب کی تیاریوں کیلئے خصوصی اجلاس منعقد کیا گیا۔
پیر کے روز منعقد کئے گئے اجلاس میں مسلم لیگ (ن) کے رکن قومی اسمبلی شاہد خاقان عباسی، وفاقی وزیرسمندر پار پاکستانیز ساجد حسین طوری، وفاقی وزیر اطلاعات و نشریات مریم اورنگزیب، وزیر مملکت امور خارجہ حنا ربانی کھر اور متعلقہ اعلیٰ حکام نے شرکت کی۔
اجلاس میں وزیر اعظم شہباز شریف نے کہا کہ پاکستان اور سعودی عرب عوامی سطح پراسلامی بھائی چارے کے لازوال رشتے میں بندھے ہیں، پاکستانی اپنے سعودی بھائیوں کے ساتھ دیرینہ تعلقات کو انتہائی قدر کی نگاہ سے دیکھتے ہیں۔
وزیر اعظم شہباز شریف کی زیرصدارت آنے والے سعودی عرب دورے کی تیاری کے حوالے سے اجلاس۔
وزیر اعظم نے متعلقہ حکام کو ہدایت کئ وہ ان تعلقات کو خاص طور پرروزگار، توانائی، فوڈ سیکورٹی اور طویل المدتی سٹریٹیجک شراکت داری کو فروغ دینے کے لیے موثر سفارشات مرتب کریں۔
— Prime Minister's Office (@PakPMO) April 25, 2022
وزیراعظم کا کہنا تھا کہ پاکستان اور سعودی عرب عوامی سطح پراسلامی بھائی چارے کے لازوال رشتے میں بندھے ہیں، پاکستانی اپنے سعودی بھائیوں کے ساتھ اپنے دیرینہ تعلقات کو انتہائی قدر کی نگاہ سے دیکھتے ہیں۔ وزیراعظم نے متعلقہ حکام کو ہدایت کی کہ وہ ان تعلقات کو خاص طور پرروزگار، توانائی، فوڈ سیکورٹی اور طویل المدتی سٹرٹیجک شراکت داری کو فروغ دینے کے لئے موثر سفارشات مرتب کریں۔
واضح رہے کہ وزارت عظمیٰ کا منصب سنبھالنے کے بعد وزیراعظم شہباز شریف کا یہ پہلا غیر ملکی دورہ ہے جو دونوں برادر اسلامی ممالک کے درمیان پہلے سے موجود دو طرفہ سٹرٹیجک تعلقات کو مزید مضبوط کرنے میں سنگ میل ثابت ہو گا۔
