صدر مملکت ڈاکٹر عارف علوی نے نو منتخب وزیر اعلیٰ پنجاب سے حلف نہ لینے کی آئینی وجوہات کے متعلق گورنر پنجاب کا خط وزیرِاعظم سیکریٹریٹ کو ارسال کردیا ہے۔

حمزہ شہباز کی بطور وزیراعلیٰ پنجاب حلف برداری کے لیے وزیراعظم شہباز شریف نے صدر مملکت عارف علوی کے نام خط لکھ دیا تھا۔وزیراعظم کے خط میں حمزہ شہباز کی حلف برداری کے لیے نمائندہ مقرر کرنے کی ایڈوائس دی گئی تھی۔

وزیراعظم کا کہنا تھا کہ عدالت کے حکم پر عمل نہ کرنے کے توہین عدالت سمیت کئی اور سنجیدہ اثرات ہوسکتے ہیں۔خط میں واضح کیا گیا تھا کہ صوبہ پنجاب 23 دن سے بغیر وزیر اعلیٰ کے ہے اور اس آئینی عہدے کو مزید خالی نہی رکھا جا سکتا ہے۔

اب صدر مملکت ڈاکٹر عارف علوی نے نو منتخب وزیر اعلیٰ پنجاب سے حلف نہ لینے کی آئینی وجوہات کے متعلق گورنر پنجاب کا خط وزیرِ اعظم سیکرٹریٹ کو ارسال کردیا۔