بھارت میں مذہبی آزادی کی صورتحال انتہائی سنگین ہو گئی، امریکی کمیشن کی سالانہ رپورٹ میں بھی تصدیق کر دی گئی۔
رپورٹ کے مطابق بھارتی حکومت ہندو قوم پرست ایجنڈے کو فروغ دے رہی ہے۔ مسلمانوں، عیسائیوں، سکھوں، دلتوں اور دیگر اقلیتوں کو نشانہ بنایا جارہا ہے۔ ان کے حقوق بھی سلب کئے جا رہے ہیں۔امریکی کمیشن کے مطابق بھارتی حکومت نے ہندو ریاست کے متعصبانہ نظریاتی وژن کو منظم کیا ہے۔ انسانی حقوق کے حامیوں اور صحافیوں کو گرفتار کیا کیا۔امریکی کمیشن کا کہنا ہے کہ بھارت میں بغاوت کے قانون کا مسلسل استعمال تشویشناک ہے، جس کا سب سے زیادہ استعمال مقبوضہ جموں و کشمیر میں کیا جارہا ہے۔ کمیشن نے بھارت کو بلیک لسٹ کرنے کی سفارش کے ساتھ بھارت پر پابندیاں لگانے کا بھی مطالبہ کر دیا۔