پی ڈی ایم کے سربراہ مولانا فضل الرحمان نے کہا ہے اب اداروں کو بھی حقیقی طور پر آزادی کے ساتھ اپنی متعین حدود کے اندر مضبوط فیصلے دینے ہوں گے۔

چیف الیکشن کمشنر  کی جانبداری کیخلاف  پی ٹی آئی کے چیئر مین عمران خان نے    احتجاج کی کال دی تھی جس پر  مولانا فضل الرحمان  کا موقف سامنے آگیا۔

مولانا فضل الرحمان نے کہا ہے تحریک انصاف کی قیادت الیکشن کمیشن، عدلیہ اور میڈیا سمیت تمام اداروں کو تنقید اور الزام تراشی سے دباؤ میں لانے کا ہر مذموم حربہ استعمال کر رہی ہے۔

ان کا کہنا تھا کہ یہ حربے ناکام ہو چکے ، اب اداروں کو بھی حقیقی طور پر آزادی کے ساتھ اپنی متعین حدود کے اندر مضبوط فیصلے دینے ہوں گے۔مولانا فضل الرحمان نے کہا کہ فارن فنڈنگ کیس اس سلسلے کا پہلا ٹیسٹ کیس ہو گا۔