آرمی چیف جنرل قمر جاوید باجوہ نے کہا ہے کہ پاکستانی قوم دہشت گردی کے خلاف جنگ میں مزید مضبوط بن کر ابھر رہی ہے، پاک فوج تمام خطرات سے ملک کو بچانےکیلئےپرعزم ہے۔

پاک فوج کے شعبہ تعلقات عامہ آئی ایس پی آر کے مطابق نیشنل سیکیورٹی ورکشاپ کے شرکاء نے جی ایچ کیو کا دورہ کیا، جہاں شرکاء کو سیکیورٹی کی صورتحال اور درپیش چیلنجز پر بریفنگ دی گئی۔

جنرل قمرجاویدباجوہ سےورکشاپ کے شرکاء نے بات چیت کی تو  آرمی چیف نے سکیورٹی چیلنجز پر مشترکہ قومی ردعمل ‏اپنانےکی ضرورت پر زور دیا۔

آرمی چیف جنرل قمر جاوید باجوہ نے کہا کہ تمام خطرات سے نمٹنے کے لیے فوج اپنی آپریشنل تیاریوں پر بھرپور توجہ دے رہی ہے اور دہشت گردی کے خلاف جنگ میں پاکستانی قوم مضبوط بن کر ابھری ہے۔