مسجد نبوی میں وزیراعظم پاکستان کی بے توقیری پر مریم نواز کا دوہرا معیار کھل کر سامنے آ گیا ہے۔
تفصیلات کے مطابق گزشتہ روز مسجد بنوی ﷺ میں حکومتی وفد کو دیکھ کر وہاں موجود پاکستانی کمیونٹی نے احتجاج کرتے ہوئے چور چور کے نعرے لگائے، جس پر آج وفاقی وزیر داخلہ نے کہا ہے کہ ہم سعودی حکومت سے ان افراد کیخلاف باضابطہ کاروائی کا مطالبہ کریں گے۔
اس واقعے پر مریم نواز نے ٹوئٹر پر جاری اپنے بیان میں کہا کہ کل حرم پاک مدینہ منوّرہ میں پی ٹی آئی کی قیادت کی سرپرستی میں ہونے والی بےادبی سے نبی ﷺ سے محبت کرنے والے تڑپ کر رہ گئے۔
کل حرمِ پاک مدینہ منوّرہ میں PTI کی قیادت کی سرپرستی میں ہونے والی بےادبی سے نبی صلی اللّہ علیہ وسلم سے محبت کرنے والے تڑپ کر رہ گئے ۔مجھے غصے میں بھرے سینکڑوں پیغامات موصول ہوئے کہ حکومت ایکشن کیوں نہیں لے رہی۔ حکومت کا ایکشن سیاسی انتقام تصور ہو گا اور یہ معاملہ سیاسی نہیں ہے۔
— Maryam Nawaz Sharif (@MaryamNSharif) April 29, 2022
انہوں نے کہا کہ مجھے غصے سے بھرے سینکڑوں پیغامات موصول ہوئے کہ حکومت ایکشن کیوں نہیں لے رہی۔ حکومت کا ایکشن سیاسی انتقام تصور ہو گا اور یہ معاملہ سیاسی نہیں ہے۔
مریم نواز کا کہنا تھا کہ عمران خان اور اسکے ساتھیوں نے جس طرح مذہب کو سیاست کیلئے استعمال کیا، انکے چہرے سے کل قدرت نے اس نقاب کو اتار پھینکا۔ نقاب اترنے کے بعد انکا جو مکروہ چہرہ سامنے آیا ہے، وہی انکی سب سے بڑی سزا ہے۔
عمران خان اور اسکے ساتھیوں نے جس طرح مذہب کو سیاست کے لیے استعمال کیا، انکے چہرے سے کل قدرت نے اس نقاب کو اتار پھینکا۔ نقاب اترنے کے بعد انکا جو مکروہ چہرہ سامنے آیا ہے، وہی انکی سب سے بڑی سزا ہے۔
— Maryam Nawaz Sharif (@MaryamNSharif) April 29, 2022
دوسری جانب مئی 2019ء میں جب سابق وزیراعظم عمران خان عمرہ کی ادائیگی کیلئے حرم پاک پہنچے تو وہاں موجود ایک شخص نے صدقہ چور، زکوٰۃ چور کے نعرے لگائے، تو اس ویڈیو پر تبصرہ کرتے ہوئے مریم نواز نے اسے نظام قدرت قرار دیا۔
عدل و انصاف فقط حشر پر موقوف نہیں
زندگی خود بھی گناہوں کی سزا دیتی ہے
دوسروں کو چور چور کہنے والے کو انشاءاللہ منہ چھپانے کی جگہ نہیں ملے گی۔ یہی نظامِ قدرت ہے۔ اللّہ میری توبہ https://t.co/dZOO2Kqonk— Maryam Nawaz Sharif (@MaryamNSharif) May 31, 2019
مریم نواز کا کہنا تھا کہ دوسروں کو چور چور کہنے والے کو انشاءاللہ منہ چھپانے کی جگہ نہیں ملے گی۔
