گورنر پنجاب عمر سرفراز چیمہ نے وزیر اعلیٰ پنجاب سردار عثمان بزدار کا استعفیٰ مسترد کر کے سپیکر اسمبلی کو خط لکھ دیا جس میں کہا گیا کہ  استعفیٰ آئین کےآرٹیکل 130کےسب سیکشن 8 کےتقاضےپورےنہیں کرتا۔

گورنر پنجاب عمر سرفراز چیمہ کی جانب سے خط میں کہا گیا کہ عثمان بزدارنےاستعفیٰ وزیراعظم کےنام دیاجوآئینی طورپرغلط ہےعثمان بزدار نے استعفیٰ گورنر کے نام دیا ہی نہیں، عثمان بزدار کے خط کو استعفیٰ کہنا غلط ہے ۔استعفیٰ گورنر کو مخاطب کر کے ہاتھ سے لکھا ہوا ہونا چاہئے ، استعفیٰ منظور کرتے وقت اس وقت کے گورنر نے آئینی شق کو مد نظر نہیں رکھا۔

سپیکر پنجاب اسمبلی چوہدری پرویز الہٰی نے بھی گورنر کا خط موصول ہونے کی تصدیق کر دی ہے۔