کوئٹہ کے علاقے کچلاک میں افسوسناک واقعہ پیش آیا جہاں خاتون اور اس کے چار بچوں کو گھر میں گھس کر قتل کر دیا گیا۔
تفصیلات کے مطابق کوئٹہ سے جنوب مغرب میں 25 کلو میٹر دور کچلاک کے علاقے کلی پوٹی ناصران میں قتل کی لرزہ خیز واردات سامنے آئی ہے، جہاں نامعلوم افراد نے تیز دھار آلے سے ایک خاتون اور اس کے چاربچوں کو قتل کردیا۔
پولیس حکام کے مطابق واقعے کی اطلاع ملتے ہی پولیس اور ریسکیو کی ٹیمیں جائے وقوعہ پر پہنچ گئیں اور لاشوں کو کچلاک اسپتال منتقل کردیا گیا، تاہم ابھی تک قتل کے حوالے سے کوئی واضح وجہ سامنے نہیں آئی، پولیس نے تفتیش شروع کردی ہے اور خاتون کے اہل خانہ سے رابطہ کرنے کی کوشش کی جارہی ہے۔
پولیس کے مطابق مقتولین کی لاشیں پوسٹ مارٹم کیلئے ہسپتال منتقل کر دیا گیا۔جائے وقوعہ سے شواہد اکٹھے کئے جا رہے ہیں ۔