عمران خان کیخلاف ایف آئی آ ر پر پی ٹی آئی کا بڑا بیان سامنے  آگیا ۔

تفصیلات کے مطابق  سابق وزیر فیاض الحسن چوہان نے کہا کہ عمران کیخلاف  ایف آئی آر  فسطائیت  کی مثال ہے۔مدینہ واقعے کے بعد حکمران جماعت پاکستان مسلم لیگ نواز (پی ایم ایل این) نے سابق وزیر اعظم عمران خان اور سابق وزیر داخلہ شیخ رشید سمیت 150 افراد کے خلاف مقدمہ درج کرنے کے لیے درخواست دائر کر دی تھی۔

درخواست مسلم لیگ ن کے رہنما شیخ محمد نعیم نے فیصل آباد کے تھانہ مدینہ ٹاؤن میں دائر کی تھی۔

درخواست میں مسلم لیگ ن کے رہنما کا کہنا تھا کہ پاکستان تحریک انصاف کے کارکنوں نے نعرے لگا کر مسجد نبوی کا تقدس پامال کیا اس لیے ان کے خلاف سخت کارروائی کی جائے۔مسلم لیگ ن کے درخواست گزار نے یہ بھی کہا کہ ایسی حرکتوں سے اربوں مسلمانوں کے دل دکھی ہیں۔ درخواست میں سابق وزیراعظم عمران خان، سابق وفاقی وزراء فواد چوہدری، شیخ رشید، شہباز گل، ڈپٹی سپیکر قومی اسمبلی قاسم سوری، پی ٹی آئی رہنما شیخ راشد شفیق، صاحبزادہ جہانگیر چیکو، نبیل مسرت، اعجاز الحق، عمیر الیاس رانا عبدالستار، بیرسٹر عامر الیاس اور گوہر جیلانی کے ناموں کا ذکر کیا گیا ہے۔