خیبرپختونخوا حکومت نے مسجد قاسم خان کی غیرسرکاری کمیٹی کے اعلان کے بعد کل 2 مئی  2022ءکو صوبے بھر میں سرکاری سطح پر عید الفطر منانے کا اعلان کیا ہے۔

خیبرپختوخوا حکومت کے ترجمان بیرسٹر محمد علی سیف نے بتایا ہے کہ خیبرپختونخوا  حکومت کو صوبے کے مختلف علاقوں سے شوال المکرم کا چاند دیکھنے کی 130 شہادتیں موصول ہوئی ہیں، جس کے بعد سرکاری سطح پر عید الفطر منانے کا فیصلہ کیا گیا ہے۔

انہوں نے کہا کہ تمام صوبائی وزراء کا عیدالفطر کی نماز ادا کریں گے، اور وزیراعلیٰ خیبر پختونخوا کل گورنر ہاوس میں عیدالفطر کی نماز ادا کریں گے۔

یاد رہے کہ مرکزی رویت ہلال کمیٹی نے ملک میں چاند نظر نہ آنے کے باعث 3 مئی کو عید الفطر کا اعلان کیا ہے۔