وفاقی وزیر خزانہ مفتاح اسماعیل نے پی ٹی آئی کی سابق حکومت کی معاشی پالیسیوں کی تعریف کی ہے۔
ٹوئٹر پر جاری اپنے بیان میں مفتاح اسماعیل نے کہا ایف بی آر نے رواں مالی سال کے دوران پانچ ہزار 122 ارب روپے کا ٹیکس اکٹھا کیا ہے جو گزشتہ مالی سال کے اسی عرصے سے 28.7 فیصد زیادہ ہے۔ گزشتہ سال جولائی 2020ء سے اپریل 2021ء کے دوران تین ہزار 981 ارب روپے کا ٹیکس جمع کیا گیا تھا۔
A big factor in the increase however was increased imports. For instance, sales tax at import stage grew by 58% while it declined by 2% for local goods. With the right mix of policies and tools I am sure this team will perform even better & to the expectations of the nation. 2/2
— Miftah Ismail (@MiftahIsmail) May 1, 2022
انہوں نے بتایا کہ گزشتہ برس کے مقابلے میں رواں مالی سال کے دوران ٹیکس ریفنڈ کی شرح میں 30.1 فیصد اضافہ ہوا۔ گزشتہ مالی سال کے اسی عرصے کے دوران 203 ارب جب کہ رواں سال 264 ارب روپے کے ٹیکس ریفنڈز دئیے گئے ۔ اس کارکردگی پر ایف بی آر کی تعریف تو بنتی ہے۔
مفتاح اسماعیل کا کہنا تھا کہ ٹیکس کلیکشن کی ایک بڑی وجہ بڑھتی ہوئی درآمدات ہیں، مثال کے طور پر امپورٹ سٹیج پر سیلز ٹیکس میں 58 فیصد اضافہ ہوا جب کہ مقامی اشیا کیلئے ٹیکس کی شرح میں دو فیصد کمی ہوئی۔ بہترین پالیسیوں کے ساتھ انہیں امید ہے کہ ایف بی آر کی یہ ٹیم بہترین پرفارمنس کامظاہرہ کرے گی اور قوم کی توقعات پر پورا اترے گی۔
