مسجد قاسم خان کی غیر سرکاری روئیت ہلال کمیٹی کے سربراہ مفتی شہاب الدین پوپلزئی نے کہا ہے کہ مرکزی روئیت ہلال کمیٹی زونل اور علاقائی کمیٹیوں کی شہادتیں قبول نہیں کرتی۔
ٹوئٹر پر جاری اپنے بیان میں مفتی شہاب الدین پوپلزئی نے کہا کہ مرکزی روئیت ہلال کمیٹی کو چاند نظر کیوں نہیں آتا؟
مرکزی رویت ھلال کمیٹی کو چاند نظر کیوں نہیں آتا ،سے ضروری سوال یہ ہے کہ مرکزی کمیٹی ہر بار زونل کمیٹی/علاقائی کمیٹی کی شہادتوں کو قبول کرنے سے کیوں کتراتی ہے؟
سینکڑوں جید علماء کرام کی تصدیق شدہ شہادتوں کو کیوں نظر انداز کیا جاتا ہے ؟ #عيد_الفطر_المبارك— Mufti Shahabuddin Popalzai (@MuftiPopalzai) May 1, 2022
انہوں نے سوال کیا کہ مرکزی کمیٹی ہر بار زونل کمیٹی اور علاقائی کمیٹی کی شہادتوں کو قبول کرنے سے کیوں کتراتی ہے؟ سینکڑوں جید علماء کرام کی تصدیق شدہ شہادتوں کو کیوں نظر انداز کیا جاتا ہے۔
مفتی شہاب الدین پوپلزئی کا کہنا تھا کہ وفاقی کمیٹی مراعات تو لے سکتی ہے، لیکن ہمارے صوبے کے تصدیق شدہ شہادتیں قبول نہیں کر سکتی۔
وفاقی کمیٹی مراعات تو لے سکتی ہے، لیکن ہمارے صوبے کے تصدیق شدہ شہادتیں نہیں۔
اس بار آواز آپ اٹھائیں۔
بیشک ! ہمارے سامنے اپنے پیرامیٹرز رکھیں۔
شرعی حدود میں ہمارے تصدیق شدہ شہادتوں کو تو سنیں۔
شرعی معیار پر نہ اتریں ، تو پوری قوم کو بتائیں ان شہادتوں میں یہ یہ کمی و کوتاہی تھی۔— Mufti Shahabuddin Popalzai (@MuftiPopalzai) May 1, 2022
انہوں نے کہا کہ اس بار آواز آپ اٹھائیں، مرکزی کمیٹی بیشک ہمارے سامنے اپنے پیرامیٹرز رکھے، لیکن شرعی حدود میں ہماری تصدیق شدہ شہادتوں کو تو سنیں۔ اگر شرعی معیار پر نہ اتریں ، تو پوری قوم کو بتائیں ان شہادتوں میں یہ کمی کوتاہی تھی۔
یاد رہے کہ مرکزی رویت ہلال کمیٹی نے ملک میں چاند نظر نہ آنے کے باعث 3 مئی کو عید الفطر کا اعلان کیا ہے، جبکہ خیبر پختونخوا حکومت اور مفتی شہاب الدین پوپلزئی نے صوبے بھر سے 130 شہادتیں ملنے کے بعد کل سرکاری سطح پر عیدالفطر منانے کا اعلان کیا ہے۔
