آرمی چیف جنرل قمر جاوید باجوہ نے کہا ہے کہ کسی بھی ملک کے امن کے دور میں حقیقی تربیت جارحیت سے نمٹنے میں مدد دیتی ہے۔
آئی ایس پی آر کے مطابق آرمی چیف نے کھاریاں میں کورکی سطح کی تربیتی مشقوں کا مشاہدہ کیا۔ آرمی چیف کی آمد پر کورکمانڈر لیفٹیننٹ جنرل شاہین مظہرمحمود نےاستقبال کیا۔
مشقوں میں فارمیشن کی آپریشنل تیاریاں اور دفاعی و جارحانہ ٹاسک مکمل کئےگئے۔
مشقوں میں جدیدویپن سسٹم وی ٹی فورٹینک اور لڑاکا طیاروں کی سپورٹ شامل رہی۔ آرمی چیف نےجوانوں کی تیاریوں اورپیشہ ورانہ مہارتوں کوسراہتے ہوئے وی ٹی فورٹینکوں کی شمولیت اور کارکردگی پر اطمینان کا اظہار کیا۔
اس موقع پر آرمی چیف جنرل قمر جاوید باجوہ نے کہا کہ امن کے دور میں حقیقی اور پیشہ وارانہ تربیت کسی بھی جارحیت سے نمٹنے میں مدد دیتی ہے آپریشنل ڈرلزکی مسلسل پریکٹس خطرات کاجواب دینےکی صلاحیت بڑھاتی ہے۔
