گورنر پنجاب عمر سرفراز چیمہ کا کہنا ہے کہ جعلی غیر آئینی وزیراعلیٰ نے صوبے کو اباجی کی وراثت سمجھ رکھا ہے۔

اپنے بیان میں گورنر پنجاب نے کہا کہ آئین اور قانون پر عملدرآمد کروانا اکیلے میری نہیں ہر وفاقی اور صوبائی آئینی ادارے کی ذمہ داری ہے۔

عمر سرفراز چیمہ کا کہنا تھا کہ تاریخ گواہی دے گی کہ کون اس سسلین مافیا کے سامنے ڈٹ گئے اور کون سجدہ ریز ہوئے۔

یاد رہے کہ گورنر پنجاب عمر سرفراز چیمہ نے چند روز قبل عثمان بزدار کا استعفیٰ مسترد کرتے ہوئے انہیں دوبارہ عہدے پر بحال کر دیا تھا۔

دوسری جانب حمزہ شہباز نے گورنر پنجاب کے حلف لینے سے انکار کے پیش نظر کابینہ کی تشکیل موخر کرنے کا فیصلہ کیا ہے۔