سابق وفاقی وزیر اطلاعات فواد چوہدری نے کہا ہے کہ عمران خان کی کردارکشی کیلئے باقاعدہ مہم کی تیاری کی جا رہی ہے۔
ٹوئٹر پر جاری اپنے ویڈیو پیغام میں سابق وفاقی وزیر اطلاعات فواد چوہدری کا کہنا تھا کہ عمران خان کی کردار کشی کیلئے ایک بڑی مہم لانچ کی جا رہی ہے۔
عمران خان کیخلاف نئ کمپین کی تیاری کی جا رہی ہے #امپورٹڈ_حکومت_نامنظور pic.twitter.com/92PxYrMyuN
— Ch Fawad Hussain (@fawadchaudhry) May 2, 2022
فواد چوہدری کا کہنا تھا کہ اس مہم میں جعلی ویڈیوز اور آڈیوز کے ذریعے عمران خان کے کردار پر بات کی جائے گی۔ انہوں نے کہا کہ یہ کوئی پہلا موقع نہیں ہے، انہوں نے 2018ء میں بھی ایک خاتون کو پیسے دے کر اس سے عمران خان کیخلاف کتاب لکھوائی، اور 80 کی دہائی میں نصرت بھٹو،بینظیربھٹوکی کردارکشی بھی کی گئی۔
یاد رہے کہ سابق وزیراعظم عمران خان بھی اپنے ایک انٹرویو میں اپنی اور اہلیہ کی کردار کشی کی مہم کے خدشات کا اظہار کر چکے ہیں۔
