صحافیوں کی عالمی تنظیم رپورٹرز ود آؤٹ بارڈرز کی رپورٹ کے مطابق رواں برس صحافیوں کے تحفظ کے حوالے سے ملکوں کی فہرست میں پاکستان 12 درجے تنزلی کے ساتھ 180 ملکوں میں 157 نمبر پر آگیا ہے۔

واضح رہے کہ گزشتہ برس پاکستان اس رینکنگ میں 145 ویں نمبر پر تھا۔

صحافیوں کی عالمی تنظیم رپورٹرز ود آؤٹ بارڈرز یہ رپورٹ ملک میں آزادی اظہار رائے اور میڈیا پر قدغنوں، پابندیوں کے اعدادوشمار کی بناید پر مرتب کرتی ہے۔

یاد رہے کہ اقوام متحدہ کی جانب سے ہر سال 3 مئی کو آزادی صحافت کا دن منایا جاتا ہے،  جس کا مقصد صحافت کے بنیادی اصولوں کی موجودہ صورتحال پر اعتماد کا اظہار کرنا اور دنیا میں صحافت کی موجودہ صورتحال کو پیش کرنا ہے۔