وفاقی وزیر خزنہ مفتاح اسماعیل نے کہا ہے کہ گورنر اسٹیٹ بینک کی مدت ملازمت ختم ہونے والی ہے، ہم ان کی خدمات کے شکر گزار ہیں۔
ٹوئٹر پر جاری اپنے بیان میں مفتاح اسماعیل نے کہا کہ انہوں نے ڈاکٹر رضا باقر سے بات کی ہے اور انہیں حکومت کے فیصلے کے متعلق آگاہ کیا ہے۔
Tomorrow Governor SBP Dr Reza Baquir’s 3-year expires. I have spoken to him and told him of the government’s decision. I want to thank Reza for his service to Pakistan. He is an exceptionally qualified man & we worked well during our brief time together. I wish him the very best.
— Miftah Ismail (@MiftahIsmail) May 3, 2022
مفتاح اسماعیل کا کہنا تھا کہ میں رضا کی پاکستان کیلئے خدمات کا شکریہ ادا کرنا چاہتا ہوں، وہ ایک غیر معمولی قابل آدمی ہیں اور ہم نے مختصر وقت میں ان کیساتھ کام کیا، ان کیلئے نیک تمناؤں کا اظہار کرتا ہوں۔
ذرائع کے مطابق وفاقی حکومت نے ابھی تک گورنر اسٹیٹ بینک کیلئے نام فائنل نہیں کیا، ڈپٹی گورنر اسٹیٹ بینک بھی قائم مقام گورنر کے طور پرکام کرسکتے ہیں۔
یاد رہے کہ پی ٹی آئی حکومت نے مئی 2019 میں تین سال کیلئے ڈاکٹر رضا باقر کو اسٹیٹ بینک کا گورنر مقرر کیا تھا۔
