آرمی چیف جنرل قمر جاوید باجوہ اور اہلیہ جنرل باجوہ نے عید کے روز پاک فوج کے شہدا کے گھروں کا دورہ کیا اور لواحقین سے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق جنرل قمر جاوید باجوہ اہلیہ کے ہمراہ کیپٹن محمد کاشف شہید اور کیپٹن سعد بن امین کے گھر گئے، جہاں انہوں نے وطن عزیز کیلئے جان قربان کرنے والے فوج کے شہداء کی قربانی کو خراج عقیدت پیش کیا گیا۔
#COAS & Begum COAS visited families of Capt Muhammad Kashif Shaheed & Capt Saad Bin Amin Shaheed. COAS paid rich tribute 2 Shuhada & their families 4 their ultimate sacrifice in the service of motherland. (1/2) pic.twitter.com/hJfUXXXKGM
— DG ISPR (@OfficialDGISPR) May 3, 2022
اس موقع پر آرمی چیف نے کہا کہ پاک فوج اور قوم اپنے ان بہادر سپوتوں کو عظیم قربانی پر سلام پیش کرتی ہے، قوم اپنے ان شہدا اور ان کے اہل خانہ کے جذبے اور حوصلے کی بھی قدر کرتی ہے۔
آرمی چیف نے کہا کہ اپنے ہیروز کو یادرکھنا پاک فوج اور قوم کیلئے حوصلہ افزائی کا سبب ہے، قوم ان بہادر بیٹوں اور ان کے حوصلہ مند خاندانوں کو ہمیشہ یاد رکھے گی۔ شہدا کے خاندانوں نے عید الفطر کا دن ان کے ساتھ گزارنے پر آرمی چیف کا شکریہ ادا کیا۔
