پی ٹی آئی رہنما ڈاکٹر شہباز گل نے کہا ہے کہ عمران خان کے صبر کو بہت پاس سے دیکھا ہے۔
سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں شہباز گل نے کہا ہے کہ میں نے وہ ایک ایک لمحہ دیکھا جب دھوکا دینے والے خان کے سامنے کتنی بڑی بڑی باتیں کرتے تھے اور خان کو ان کے اندر اور باہر کا پتہ ہوتا تھا۔
میں نے عمران خان کے صبر کو بہت پاس سے دیکھا ہے۔ میں نے وہ ایک ایک لمحہ دیکھا جب دھوکا دینے والے خان کے سامنے کتنی بڑی بڑی باتیں کرتے تھے اور خان کو ان کے اندر اور باہر کا پتہ ہوتا تھا۔
یقین کریں خان بہت کچھ پی گیا اور صبر کر گیا۔
— Dr. Shahbaz GiLL (@SHABAZGIL) May 3, 2022
دوسری جانب شہباز گل امریکا کا 4 روزہ نجی دورہ کرکے وطن واپس پہنچے ہیں اور ان کی پرواز نے اسلام آباد ائیرپورٹ پر لینڈ کیا جس کے بعد وہ اپنی رہائش گاہ کی طرف روانہ ہوگئے۔
واضح رہے کہ شہباز گل مسجد نبوی واقعے کے بعد فیصل آباد میں درج توہین مذہب کے مقدمے میں نامزد ہیں اور انہوں نے اسلام آباد ہائیکورٹ سے حفاظتی ضمانت حاصل کررکھی ہے۔
اسلام آباد ہائیکورٹ نے 30 اپریل کو شہباز گل کی درخواست پر سماعت کرتے ہوئے قانون نافذ کرنے والے اداروں کو ان کی گرفتاری سے روک دیا تھا۔
