برطانیہ نے روس کیلئے سروس سیکٹر کی برآمدات اور غلط معلومات پھیلانے کے الزام پر 63 روسی شخصیات اور اداروں پر پابندیاں عائد کردی ہیں۔

عالمی خبر رساں ایجنسی کی رپورٹ  کےمطابق برطانیہ کا کہناہے کہ ان پابندیوں کے بعد روس کو برطانیہ کی انتظامی مشاورت، اکاؤنٹنگ اور پی آر سمیت دیگرخدمات تک رسائی نہیں ہوسکے گی۔

برطانوی حکام کا ہنا ہے کہ ہماری  خدمات تک روس کی رسائی پر پابندی سے کریملن پر مزید دباؤ پڑے گا، روس کیخلاف ہماری پابندیاں یوکرین میں بھی روسی صدر کو ناکام کردیں گی۔

دوسری جانب برطانوی ٹیک اینڈ ڈیجیٹل اکانومی کے وزیر کرس فلپ کا کہنا ہے کہ روسی میڈیا گروپ آر ٹی، اسپوٹنک پر برطانیہ میں پہلے ہی پابندی ہے، اب ان اداروں کی برطانیہ میں ویب سائٹ، سوشل میڈیا اکاؤنٹس اور ایپلی کیشنز  پر بھی پابندی لگا دی  جائے گی۔