پاکستان تحریک انصاف نے تحریک عدم اعتماد کے پس پردہ غیر ملکی سازش کے الزام کی تحقیقات کیلئے وفاقی حکومت کے مجوزہ تحقیقاتی کمیشن کو مسترد کر دیا ہے۔
آج اسلام آباد میں پی ٹی آئی رہنماؤں کے ہمراہ پریس کانفرنس کرتے ہوئے سابق وزیر اطلاعات فواد چوہدری کا کہنا تھا کہ ہم صرف وہ کمیشن قبول کریں گے جو آزاد عدلیہ کے تحت ہو اور کمیشن کی کارروائی براہ راست دکھائی جائے۔
ہم نے سفارتی مراسلے پر امپورٹڈ حکومت کی جانب سے کمیشن کو مسترد کر دیا ہے. تحریک انصاف ایک ہی کمیشن کو مانے گی جو آزاد عدلیہ کے تحت ایک آزاد جوڈیشل کمیشن ہو گا اور اوپن ہیرنگ کرے گا@fawadchaudhry#امپورٹڈ__حکومت__نامنظور pic.twitter.com/K5X2H1SJTH
— PTI (@PTIofficial) May 5, 2022
اس موقع پر تحریک اںصاف کے رہنما فرخ حبیب نے کہا کہ تحقیقاتی کمیشن کا اعلان بدنیتی پر مبنی ہے، موجودہ حکومت امپورٹڈ سازش کا حصہ ہے، ہمارا مطالبہ سپریم کورٹ کے تحت کمیشن کا قیام ہے۔
انہوں نے کہا کہ کل الیکشن کمیشن میں اہم سماعت ہے، الیکشن کمیشن آرٹیکل 63 اے پر عمل در آمد کرے، الیکشن کمیشن ایک ماہ میں فیصلے کا پابند ہے لیکن الیکشن کمیشن فیصلے میں تاخیر کر رہا ہے۔
یاد رہے کہ آج وفاقی وزیر اطلاعات مریم اورنگزیب نے اسلام آباد میں پریس کانفرنس کرتے ہوئے کہا کہ حکومت نے بیرون سازش کے حوالے سے الزام تراشی پر ایک غیر جانبدار اور آزاد انکوائری کمیشن بنانے کا فیصلہ کیا ہے جو اس سازش کا منصفانہ طریقے سے فیصلہ کرے گا اور اس کی تمام انکوائری پاکستان کے عوام کے سامنے رکھی جائے گی۔
