سابق وزیر داخلہ شیخ رشید نےتحریک عدم اعتماد سے قبل  لندن میں ہونے والی ملاقاتوں کے متعلق اہم بیان جاری کیا ہے۔

راولپنڈی میں صحافیوں سےگفتگو کرتے ہوئے  سابق وزیر داخلہ و سربراہ عوامی مسلم لیگ شیخ رشید کا کہنا تھا کہ سارا ملبہ ادارے پر نہیں ڈالنا چاہیے، جو لوگ سارا ملبہ ادارے پر ڈال رہے ہیں، میں  ان سے کہتا ہوں کہ ایسا مت کریں، فوج پاکستان کا بہت عظیم ادارہ ہے، ان کی  ملک کیلئے بہت قربانیاں ہیں۔

شیخ رشید کا کہنا تھا کہ شہباز شریف نے جوتے پالش کئے، جس کے بعد دو ووٹوں کی اکثریت سے یہ حکومت لائی گئی۔ انہوں نے کہا کہ میں نے پہلے  کہہ دیا تھا کہ مارچ میں ہماری حکومت کیلئے مشکلات ہیں کیونکہ نواز شریف سے جو ملاقاتیں ہو رہی تھیں، اس سے  میں اور عمران خان باخبر تھے، یہ سامراجی پلان بنایا گیا،دو ووٹوں کی اکثریت سے امپورٹڈ حکومت لائی گئی۔

شیخ رشید کا کہنا تھا کہ  اگر کل سالک اور چیمہ الگ ہوجائیں تو اکثریت ختم ہوجائے،کل باپ یا ایم کیو ایم یا جی ڈی اے کے دو تین ممبر بھی  علیحدہ ہوجائیں تو یہ ختم ہیں۔

انہوں نے کہا کہ نوازشریف نے 14 بارگالیاں دیں، شہبازشریف نے 14 بار بوٹ پالش کئے، شہبازشریف نے جوتے پالش کرکےگارنٹی دی ہے، ایک غلط طریقے سے سامراج اور بین الاقوامی طاقتوں نے جو پلان بنایا وہ الٹ ہوگیا۔