گورنر پنجاب عمر سرفراز چیمہ نے کہا ہے کہ  بیرونی سازش کے ذریعے جمہوریت کا قتل کیا گیا۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں گورنر پنجاب عمر سرفراز چیمہ نے لکھا کہ بیرونی سازش میں اندرونی سہولت کاروں کے ذریعے جمہوریت کا قتل اور قومی اسمبلی  اور پارلیمان کی بالادستی کو تحس نہس کر دیا گیا۔

جاری کردہ ٹوئٹ میں گورنر پنجاب لکھتے ہیں کہ الحمد اللہ آئین، قانون اور سیاسی تاریخ کی روشنی میں اس کا راستہ روکنے کی کوشش کی ہے۔

انہوں نے کہا کہ این ایس سی کے دو اعلامیوں میں بیرونی سازش  کی تصدیق کے بعد کوئی شک کی گنجائش نہیں رہی، بیرونی سازش کے ذریعے جمہوریت، آئین اور قانون کا قتل کیا گیا۔

گورنر پنجاب عمر سرفراز چیمہ مزید لکھا کہ عدلیہ، پارلیمنٹیریننز،اور سیاسی جماعتوں کا کردار اس بحران میں انتہائی اہم اور ان کا عمل قوم کے سامنے ہے۔