وزیراعلیٰ سندھ سید مراد علی شاہ نے  دریائے سندھ کے دائیں جانب ٹیل اینڈ کے علاقوں میں پینے کے پانی کی قلت کا نوٹس لے لیا ہے۔ 

تفصیلات کے مطابق  وزیراعلیٰ سندھ نے دریائے سندھ کے دائیں کنارے کے علاقوں میں پینے کے پانی کے مسئلے کو حل کرنے کیلئے ایمرجنسی نافذ کرنے کے احکامات جاری کر دئیے ہیں

وزیراعلیٰ سندھ نے محکمہ آبپاشی کو ضروری اقدامات کر کے رائٹ بینک کے پچھڑی کے علاقوں میں پینے کا پانی پہچانے کی ہدایات جاری کرتے ہوئے کہا کہ ہر شہری کو پینے کا پانی فوری طور پر ملنا چاہیے۔جن علاقوں میں پانی کی شدید قلت ہے ان میں ٹھٹہ، سجاول، بدین اور دیگر اضلاع شامل ہیں۔

وزیراعلیٰ نے کل شام تک ان علاقوں میں پانی پہنچانے کی رپورٹ بھی طلب کرلی ہے۔