فرخ حبیب نے کہا ہے کہ شہباز شریف سمیت پی ڈی ایم نے بیرونی سازش کو کامیاب کرنے کیلئے کردار ادا کیا۔
پاکستان تحریک انصاف کے رہنما فرخ حبیب نے ٹوئٹر پر جاری ایک پیغام میں کہا ہے کہ کرائم منسٹرشہبازشریف نے اسمبلی فلور پرتسلیم کرلیا ہے امریکی پاکستانی سفیر نے جو خط بھیجا اس میں امریکی آفیشل نے دھمکی دی تھی۔
انہوں نے کہا کہ عمران خان کیخلاف عدم اعتماد کامیاب نہ ہوئی تو پاکستان کو سنگین نتائج کی دھمکی تھی۔فرخ حبیب نے کہا کہ خط جھوٹا ہونے کا بیانیہ انہوں نے خود دفن کردیا، دھمکی کیوں دی گئی کیونکہ عمران خان نے ایبسلوٹلی ناٹ کہا تھا، جب کوئی ناراض ہوتا ہے تو وہ سازش کرتا ہے۔پاکستان تحریک انصاف کے رہنما نے کہا کہ شہباز شریف سمیت پی ڈی ایم نے بیرونی سازش کو کامیاب کرنے کے لئے میر جعفر اور میر صادق کا کردار ادا کیا۔
دھمکی کیوں دی گئی کیونکہ عمران خان نے ایبسلوٹلی ناٹ کہا تھا اور جب کوئی ناراض ہوتا ہے تو وہ سازش کرتا ہے اور شہباز شریف سمیت PDM نے بیرونی سازش کو کامیاب کرنے کے لئے میر جعفر اور میر صادق کا کردار ادا کیا۔ #امپورٹڈ__حکومت__منظور https://t.co/cQRQxuKqfG
— Farrukh Habib (@FarrukhHabibISF) May 9, 2022
