پاکستان تحریک انصاف نے  عام انتخابات میں ٹکٹوں کی تقسیم کیلئے ایپلی کیشن متعارف کرا دی ہے۔

تفصیلات  کے مطابق ایپلی کیشن سے پارٹی رکنیت اور ٹکٹوں کی تقسیم  کے علاوہ دیگر مقاصد کیلئے استعمال کی جائے گی۔ ابتدائی طور پر اس ایپلی کیشن کا  بیٹاورژن ٹیسٹ کیلئے مخصوص لوگوں کو دیا گیا تھا، جس کی کامیابی کے بعد اب ایپلی کیشن عام شہریوں کیلئے مہیا کر دی گئی ہے۔

اس ایپلی کیشن کا نام پی ٹی آئی رابط (PTI Raabta)رکھا گیا ہے جو گوگل پلے سٹور سے ڈاؤن لوڈ کی جا سکتی ہے۔ اس ایپلی کیشن کے ذریعے نہ صرف شہری تحریک انصاف کی رکنیت حاصل کر سکتے ہیں بلکہ آئندہ انتخابات کیلئے تحریک انصاف کے ٹکٹ کیلئے بھی درخواست دے سکتے ہیں۔ پی ٹی آئی قیادت کا کہنا ہے کہ  کہ اس ایپلی کیشن کا مقصد ماضی میں انتخابی ٹکٹس کے حوالے سے ہونے والی غلطیوں سے بچنا ہے۔