ایئرپورٹ سیکیورٹی فورس کے عملے نے اسلام آباد انٹرنیشنل ایئرپورٹ پر ابوظہبی کے مسافر کے قبضے سے ایک کلو گرام ہیروئن برآمد کرلی۔
ے ایس ایف ترجمان کے مطابق مسافر محمد قربان ابوظبی جانے کے لیے اسلام آباد انٹرنیشنل ائیرپورٹ پر پہنچا تھا تو عملے کی جانبسے مسافر کے سفری بیگ کی تلاشی لی گئی جس کے تہہ خانے کے اندر خفیہ کالے رنگ کی پلاسٹک شیٹ سے ہیرون برآمد ہوئی۔اے ایس ایف کے عملے نے مجموعی طور پر 1.012 کلو گرام ہیروئن برآمد کرکے منشیات اسمگلنگ کی کوشش ناکام بنادی۔
اے ایس ایف کے ترجمان کا مزید کہنا ہے کہ ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف حکام کے حوالے کر دیا گیا ہے۔
