سندھ میں پانی کی قلت کے پیش نظر عمران خان نے بڑا اعلان کر دیا ۔
تفصیلات کے مطابق چیئرمین تحریک انصاف عمران خان نے کہا ہےکہ اس حکومت کے خاتمے کی شروعات سندھ سے ہوگی۔
سابق وزیر اعظم نے سندھ کی صورتحال پر تشویش کا اظہار کرتے ہوئے کہا کہ سندھ میں پانی کی مصنوعی قلت پیدا کی جا رہی ہے ، سندھ میں چھوٹے کاشتکار تباہ ہو رہے ہیں جبکہ زرداری کی شوگر ملیں اور زمینیں بڑھ رہی ہیں، سندھ کے لوگ آصف زرداری مافیا کے خلاف بیدار ہو چکے ہیں ، سندھ کے باسیوں میں حقیقی آزادی کا شعور نظر آرہاہے ،حقیقی آزادی کیلئے سندھ کے عوام کے پاس جاؤں گا ۔حقیقی آزادی مارچ کیلئے سندھ کے لوگ بڑی تعداد میں ہمارے ساتھ نکلیں ۔
چیئرمین پی ٹی آئی کا کہنا تھا کہ سندھ میں پانی کی مصنوعی قلت پیدا کرکے زمینیں تباہ کی جارہی ہیں، صوبے میں چھوٹے کاشتکار تباہ ہوگئے ہیں لیکن آصف زرداری کی شوگر ملیں اور زمینیں بڑھ رہی ہیں۔
انہوں نے مزید کہا کہ اس حکومت کے خاتمے کی شروعات سندھ سے ہوگی۔
چیئرمین پاکستان تحریک انصاف اور سابق وزیر اعظم عمران خان نے کہا کہ پاکستان پیپلزپارٹی نے سندھ کے لوگوں کو پیپلزپارٹی نے بنیادی سہولیات سے محروم رکھا ، سندھ میں پانی کی مصنوعی قلت پیدا کی جا رہی ہے ۔
سابق وزیر اعظم عمران خان سے سابق گورنر سندھ عمران اسماعیل نے ملاقات کی ، ملاقات میں حقیقی آزادی مارچ کے حوالے سے گفتگو کی گئی جبکہ عمران اسماعیل نے سندھ کی سیاسی صورتحال سے آگاہ کیا ۔عمران اسماعیل نے سندھ میں پانی کی مصنوعی قلت سے متعلق بھی آگاہ کیا۔
اس موقع پر عمران اسماعیل نے کہا کہ سندھ کا نوجوان اس وقت تبدیلی کے لئے کمر کس چکا ہے ، امپورٹڈ حکومت کے خاتمے کی شروعات سندھ سے ہوگی۔