ڈپٹی سپیکر رولنگ سےمتعلق  فیصلے پر  عمران خا ن کیا کرنے والے ہیں ۔

تفصیلات کے مطابق سابق سپیکراسد قیصراورسابق ڈپٹی اسپیکرقاسم سوری نے بھی نظرثانی اپیل دائرکی ہے۔ عمران خان نے اپیل میں استدعا کی ہے کہ 7اپریل کے فیصلے میں کئی سقم ہیں۔

جن پر نظر ثانی کی ضرورت ہے، ۔سپریم کورٹ نے سات اپریل کو عدم اعتماد کی تحریک پر نو اپریل کو ووٹنگ کرانےکا حکم دیا تھا، اسمبلی کی کاروائی کے دوران ڈپٹی اسپیکر نے آئین کے آرٹیکل پانچ پرعمل درآمد کیا۔

درخواست گزارجو کہ حکومت کے سربراہ تھے ان کا ڈپٹی اسپیکر کے اقدامات کے ساتھ کوئی تعلق نہیں ہوتا۔ فیصلے پر نظرثانی کی جائے، اسد قیصراورقاسم سوری کا اپیل میں کہنا ہے کہ عدالت اسپیکر یا ڈپٹی اسپیکر کی رولنگ کا جائزہ نہیں لے سکتی۔

سات اپریل کے فیصلے کے ذریعے اختیارارت کی تقسیم کے آئینی اصول سے انحراف کیا گیا، عدالتیں پارلیمانی کارروائی پر تجاوز نہیں کرسکتیں، اتوار کو عدالت لگانے کی کوئی ایمرجنسی نہیں تھی۔