وزیر خارجہ بلاول بھٹو 17 مئی کو امریکہ کے دورے پر روانہ ہوں گے۔
ترجمان دفترخارجہ عاصم افتخار نے ہفتہ وار میڈیا بریفنگ میں بتایا ہے کہ وزیرخارجہ بلاول بھٹو زرداری 17 مئی کو امریکہ کے اہم دورے پر روانہ ہوں گے، 18 مئی کو سیکریٹری انٹونی بلنکن سے ملاقات کریں گے۔
دفترخارجہ کے ترجمان نے کہا کہ وزیرخارجہ کی امریکی قیادت سے اہم ملاقاتیں ہوں گی۔
عاصم افتخار نے کہا کہ افغانستان کے ساتھ تعلقات معمول کے مطابق ہیں، افغان قیادت کے ساتھ مختلف ایشوز پر بات چیت ہوتی رہتی ہے، پاکستان افغانستان پر زور دیتا رہا ہے ان کی سرزمین ہمارے مخالف استعمال نہیں ہونی چاہیے، کالعدم ٹی ٹی پی سمیت تمام دہشت گرد گروہوں کے خلاف کاروائی ہونی چاہئے، نئی افغان حکومت کے ساتھ بھی معاملہ اٹھایا ہے۔