اسپیکر قومی اسمبلی راجہ پرویز اشرف نے کہا ہے کہ آئین پاکستان کے خلاف کوئی کام ہماری سالمیت ، قومی یکجہتی، جمہوریت اور ملک پاکستان کے لئے بڑا  خطرہ بن سکتا ہے۔

آج قومی اسمبلی اجلاس میں کو وزیر خارجہ بلاول بھٹو زرداری کے اٹھائے گئے نکات پر رولنگ دیتے ہوئے انہوں نے کہا کہ  وزیر خارجہ کی جانب سے پارلیمانی کمیشن کے قیام کی تجویز پر آئین و قانون کے مطابق فیصلہ کیا جائے گا۔

راجہ پرویز اشرف کا کہنا تھا کہ آئین پاکستان کی سربلندی، عزت توقیر و تکریم ہر ادارے اور فرد پر لازم ہے۔ اس سے جڑے رہنا بنیادی شرط ہے۔ آئین پاکستان کے خلاف کوئی کام ہماری سالمیت ، قومی یکجہتی، جمہوریت اور ملک پاکستان کے لئے  بڑا خطرہ بن سکتا ہے۔

کسی شخص یا ادارے کو یہ اجازت نہیں دی جاسکتی کہ وہ آئین کے ساتھ کھلواڑ کرے۔ وزیر خارجہ کی جانب سے پارلیمانی کمیشن کے قیام کی تجویز پر آئین و قانون کے مطابق فیصلہ کیا جائے گا۔