ایئرپورٹس سیکورٹی فورس کی جانب سے  اسلام آباد ایئر پورٹ پر کارروائی کی گی جس کے نتیجے میں اے ایس ایف کے عملے نے جدہ جانے والے مسافر سے 1.034 کلو گرام ہیروئن برآمد کر لی ہے۔

ترجمان اے ایس ایف کا کہنا ہے کہ مسافر احسان اللہ نے ہیروئن بیگ کی تہہ کے اندر کپڑے میں جیب کی طرح سلے 13 چھوٹے پیکٹوں میں مہارت سے چھپا رکھی تھی۔ ترجمان اے ایس ایف نے بتایا کہ   کے عملے نے سامان کی تلاشی کے دوران  منشیات برآمد کر کے اسمگلنگ کی کوششں ناکام بنا دی۔

ترجمان اے ایس ایف کا مزید کہنا تھا ملزم کو ابتدائی تفتیش کے بعد برآمد شدہ منشیات سمیت مزید قانونی  کارروائی کے لئے اے این ایف حکام کے حوالے کر دیا گیا ہے۔واضح رہے کہ کچھ دن قبل اینٹی نارکوٹکس فورس (اے این ایف) نے اسلام آباد ایئرپورٹ پر کارروائی کرتے ہوئے بھاری مقدار میں منشیات برآمد کرلیں۔