پاکستانی روپے کے مقابلے میں امریکی ڈالر کی قیمت میں آج بھی  غیر معمولی اضافے کا رجحان ریکارڈ کیا گیا ہے۔

اسٹیٹ بینک آف پاکستان کی جانب سے جاری کئے گئے اعدادوشمار کے مطابق آج انٹر بینک میں روپے کے مقابلے میں امریکی ڈالر کی قیمت 0.76 روپے  کے بڑے اضافے  کے بعد  192.53  روپے رہی۔

یاد رہے کہ رواں ہفتے ڈالر کی قیمت میں مسلسل اضافہ ریکارڈ کیا گیا ہے، گزشتہ روز بھی پاکستانی روپے کے مقابلے میں امریکی ڈالر کی قیمت میں 1.75 روپے، 11 مئی کو 1.36 روپے، 10 مئی کو 1.13 روپے، جبکہ 9 مئی کو 0.90 روپے کا اضافہ ہوا تھا۔

دیگر کرنسیوں کی بات کریں تو  یورو 200.43، کینیڈین ڈالر 147.29، اماراتی درہم 52.20، سعودی ریال 51.12  اور قطری ریال کی قیمت  52.35 روپے رہی۔

Interbank closing #ExchangeRate for todayhttps://t.co/0Wxq3xaGIw pic.twitter.com/dthDxKRLzg

— SBP (@StateBank_Pak) May 13, 2022