ادارہ شماریات نےملک بھر میں رواں ماہ کے دوسرے ہفتے میں ہونے والی مہنگائی کے اعدادوشمار جاری کر دئیے ہیں۔

ادارہ شماریات کی رپورٹ کے مطابق نئی حکومت ایک ہفتے میں 20 کلو آٹے کا تھیلا 403 روپے 85 پیسے، زندہ مرغی34 روپے اور مٹن 21 روپے اور بیف 3 روپے 50 پیسے فی کلو مہنگا ہوا۔ علاوہ ازیں  دالیں ،گھی اورچاول سمیت 28 دیگر اشیاء کی قیمتوں میں بھی اضافہ ریکارڈ کیا گیا ہے۔

ادارہ شماریات کے مطابق  پیاز 3 روپے 37 پیسے، آلو 2 روپے 46 پیسے فی کلو مہنگے ہوئے جبکہ ایک ہفتے میں انڈے بھی7روپے 16 پیسے فی درجن مہنگے ہوئے ۔ دال مسور 10 روپے 80 پیسے، دال چنا 3 روپے 80 پیسے ،دال ماش 5 روپے 59 پیسے دال، مونگ ایک روپے 62 پیسے فی کلو مہنگی ہوئی جبکہ چاول، لہسن, دودھ ، دہی،گھی اور خوردنی تیل کی قیمتوں میں بھی اضافہ ہوا۔

ادارہ شماریات کی رپورٹ کے مطابق  ملک میں مہنگائی کی مجموعی شرح 15.85 فیصد ہوگئی ہے ۔