پاکستان تحریک انصاف کے رہنما اور سابق وفاقی وزیر اسد عمر کا کہنا ہے کہ شہباز شریف کی بے بسی پر جتنا مزہ آصف زرداری کو آرہا ہے اتنا ہمیں بھی نہیں آرہا۔

اسلام آباد میں پریس کانفرنس کرتے ہوئے اسد عمر نے کہا ہے کہ ن لیگ کی حکومت آنے کے بعد مہنگائی کی شرح 11سال کی بلند ترین شرح  تک پہنچ گئی، معاشی صورتحال دن بدن خطرناک ہونے سے عوام کا غم غصے میں بدلتا جا رہا ہے۔

اسد عمر نے کہا کہ مفتاح اسماعیل کہتےتھے کہ پاکستان میں 137روپےلٹرکاپٹرول کون لے سکتا ہے؟ اب وہ اپنا بیان  یاد رکھیں ۔ انہوں نے کہا کہ یہ کہتے ہیں عمران خان کی  ٹیم نااہل ہے ، اب ان اہل لوگوں نے کیا کیا؟عمران خان نے پٹرولیم مصنوعات پر ٹیکس ختم کردیا تھا۔انہوں نے مزید کہا کہ شہباز شریف   ٹھوس فیصلےکرنےکی ہمت نہیں رکھتے، شہبازشریف حکومت کو باہر سے پیسہ ملنا مشکل ہورہا ہے۔