وزیراعظم شہباز شریف لندن کا 6 روزہ دورہ مکمل کر کے براستہ ابو ظہبی وطن واپس پہنچ گئے ہیں۔
واضح رہے کہ وزیراعظم شہباز شریف 11 مئی کو پاکستان مسلم لیگ (ن) کے سربراہ میاں محمد نواز شریف سے ملاقات اور اہم پارٹی میٹنگ کیلئے وفد کے ہمراہ لندن گئے تھے۔
بعدازاں وزیراعظم شہباز شریف لندن سے ابو ظہبی پہنچے جہاں انہوں نے ابو ظہبی کے شیخ خلیفہ بن زاید النہیان کے انتقال پر ابو ظہبی کے صدر شیخ محمد بن زاید النیہان سے تعزیت کی۔
تعزیتی اجلاس میں شاہی خاندان کے دیگر افراد کے علاوہ پاکستانی سرکاری وفد بھی شامل تھا۔
وزیراعظم شہباز شریف آج شام ابو ظہبی سے پاکستانی سرکاری طیارے میں وطن واپس روانہ ہوئے۔
