سی ٹی ڈی اور وومن پولیس نے کارروائی کرتے ہوئے سی پیک روٹ پر چینی قافلے کو نشانہ بنانے کے لیے تیار کی گئی خاتون خودکش بمبار کو گرفتار کرلیا۔

سی ٹی ڈی کے ترجمان کی جانب سے جاری بیان میں بتایا گیا ہے کہ تربت سی ٹی ڈی اور وویمن پولیس نے خفیہ اطلاع پر ہوشاب میں آپریشن کے دوران خودکش بمبار خاتون کو گرفتا کر کے اس کے قبضے سے دھماکہ خیز مواد اور ڈیٹونیٹر برآمد کر لئے ہیں۔
حکام کے مطابق دہشت گردوں کی جانب سے تیار خود کش بمبار خاتون کا تعلق کالعدم تنظیم بی ایل اے مجید بریگیڈ سے ہے جو سی پیک روٹ پر چینی قافلہ کو نشانہ بنانا جاہتی تھی، گرفتار خاتون کا تعلق اسی گروپ سے ہے جس نے کراچی یونیورسٹی میں خودکش حملہ کیا تھا۔ سی ٹی ڈی حکام کا کہنا ہے کہ خودکش بمبار کے نیٹ ورک کو پکڑنے کیلئے جھڑپوں کا سلسلہ جاری ہے۔
واضح رہے کہ  جامعہ کراچی میں خود کش دھماکے میں چینی باشندوں سمیت پاکستانی جاں بحق ہو گئے تھے، دھماکے میں خاتون دہشتگرد نے ہدف کو نشانہ بنایا تھا۔