وزیر بلدیات سندھ سید ناصر حسین شاہ نے سابق صدر آصف علی زرداری پر سابق وزیراعظم عمران خان کے غصے کی اصل وجہ بتادی ہے۔

سابق وزیراعظم کے بیان پر ردعمل میں وزیر بلدیات سندھ کا کہنا تھا  کہ آصف زرداری پر عمران خان اس لئے غصے ہیں کیونکہ آصف زرداری نے  ان کو حکومت سے مکھی کی طرح نکال پھینکا ہے۔

انہوں نے کہا کہ عمران خان ملکی تاریخ کے نااہل ترین حکمران کے طور پر یاد رکھے جائیں گے۔عمران خان اپنی حکومت کی کارکردگی بتانے کے بجائے دوسروں پر تنقید کرتے ہیں۔

ناصر شاہ کا مزید کہنا  تھا کہ سابق وزیراعظم کو پتا ہونا چاہیے کہ سندھ پولیس کی کارکردگی پنجاب سے اچھی تھی۔ انہوں نے کہا کہ  عمران خان کے اپنے وزراء نیب زدہ تھے اور ضمانتوں پر تھے۔