فوجی فرٹیلائزر کمپنی لمیٹڈ (ایف ایف سی) کو 31 مارچ 2022ء کو ختم ہونے والی سہ ماہی کے دوران 6.24 ارب روپے خالص آمدن ہوئی ہے، اس عرصہ کےلئے کمپنی کی فی حصص آمدنی 4.90 روپے رہی ہے۔

اسلام آباد – (اے پی پی): ایف ایف سی بورڈ آف ڈائریکٹر ز کی جانب سے منظور کردہ مالیاتی اعدادوشمار کے مطابق گزشتہ سال کے اس عرصہ کے مقابلہ میں جنور ی تامارچ 2022 کے دوران کمپنی کے منافع میں 7 فیصد اضافہ ریکارڈ کیا گیا ہے اور تین ماہ کے لئے ایف ایف سی کا بعد از ٹیکس منافع میں 7 فیصد اضافہ ریکارڈ کیا گیا ہے ، تین ماہ کے لئے ایف ایف سی کا بعد از ٹیکس منافع 6.24 ارب روپے تک پہنچ گیا۔

رپورٹ کے مطابق اس عرصہ کے دوران کمپنی کی یوریا کھاد کی پیداوار 635 ہزار ٹن جبکہ فروخت 631 ہزار ٹن رہی ہے۔ ایف ایف سی کے حکام نے جنوری تامارچ 2022ء کے لئے اپنے حصہ داروں کو 3.70 روپے فی حصص وسط مدتی پہلے ڈیوڈنڈ کی بھی منظوری دی ہے۔