وفاقی وزیر داخلہ رانا ثناءاللہ کا کہنا ہے کہ  آئی ایم ایف پروگرام کی بحالی ضروری ہے،فیصلہ ہوگیا ہے۔

 نجی ٹی وی کے پروگرام  میں گفتگو کرتے ہوئے رانا ثناءللہ نےکہا کہ آئی ایم ایف پروگرام کی بحالی ضروری ہے،فیصلہ ہوگیا ہے ۔ غریب آدمی پر پیٹرول کی قیمتوں میں اضافے کا بوجھ نہیں آئے گا، امیر آدمی پر آئے گا۔ ہم الیکشن کے لیے تیار ہیں، معاشی استحکام آتے ہی الیکشن میں جائیں گے۔

رانا ثناءللہ نے کہاکہ جو شخص ملک کا وزیر اعظم رہا ہے اور دوبارہ وزیر اعظم بننے کا اُمیدوار ہے،کیا اُسے نہیں پتہ کہ ڈاکٹر رضوان کی موت اگر زہر سے واقعہ ہوتی تو ان کے اہل خانہ ضرور پوسٹ مارٹم کراتے۔ ہرذی شعور آدمی کو ان کے جھوٹوں کا پتہ ہے۔

ن کا کہنا تھا کہ ہر اتحادی کو پتہ ہے کہ سابق وزیر اعظم فسادی ہے، اس لیے کوئی اتحادی ادھر اُدھر نہیں ہوگا۔ اداروں کی بھی یہی سوچ ہے ،سب کو اب ان کی اصلیت پتہ ہے۔