کے پی کےحکومت کے ترجمان کامران بنگش نے کہا ہےکہ پی ڈی ایم میں شامل 25 جماعتیں صرف 250 لوگوں کو ہی جمع کرسکیں۔
اپوزیشن اتحاد پاکستان ڈیموکریٹک موومنٹ (پی ڈی ایم) نے خیبرپختونخوا کے دارالحکومت پشاور میں حکومت کے خلاف احتجاجی مظاہرہ کیا۔ اپوزیشن اتحاد کے سربراہ مولانا فضل الرحمان کا خطاب میں کہنا تھاکہ ہمیں نہ اقتدارکی لالچ ہے نہ مفادات کی لالچ ہے، عمران خان سیاست کا غیرضروری عنصراورکٹھ پتلی ہے۔ان کا کہنا تھاکہ ہمارے صوبے کے کچھ لوگوں نے ایک گناہ کیا توپھروہ اللہ کے حضور رجوع کریں کہ آئندہ ایسا نہیں کریں گے، لوگ اپنے بچوں کوبیچنے کیلئے پارلیمنٹ کے سامنے آرہے ہیں۔
احتجاجی مظاہرے سے خطاب میں ن لیگ کے شاہد خاقان کا کہنا تھاکہ ملک میں مہنگائی کا ذمہ دار کون ہے ؟ گیس کی قلت کیسے ہوگئی؟ عوام کی رائے کے بعد عوام کی جیب پر ڈاکا ڈالا ہے۔ان کا کہنا تھاکہ جن حکمرانوں کو عوام کی تکلیف کا احساس نہ ہو وہ اقتدار کے قابل نہیں۔شاہد خاقان کا کہنا تھاکہ جس طرح ڈسکہ الیکشن چوری کیا اب مشینیں لا کرالیکشن چوری کا منصوبہ ہے، پارلیمنٹ میں قانون سازی عوامی مسائل حل کرنے کے بجائے الیکشن چوری کرنے کیلئے کی گئی، جب تک ملک کا نظام آئین کے مطابق نہیں ہوگا پاکستان ترقی نہیں کرسکتا۔ پاکستان ڈیموکریٹک موومنٹ نے پشاور میں ہونے والے پروگرام کو کامیاب قرار دیتے ہوئے اسے حکومت کے خلاف ریفرنڈم قرار دیا ہے۔
25جماعتوں کااتحاد پی ڈی ایم ایک ماہ کی تیاریوں کےبعدپشاورمیں بمشکل250افرادکاجلسہ کر سکی۔
ابھی توجلسہ کےلئےلوگ نہیں مل رہے وزیراعظم عمران خان کی قیادت میں وزیراعلیٰ @IMMahmoodKhanحکومت اپنی مدت پوری کرےگی تواپوزیشن کوخیبرپختونخوامیں امیدواربھی نہ مل پائیں گے۔انشاء اللہ#FailedOpposition— Kamran Bangash 🇵🇰 (@kamrankbangash) November 20, 2021
پی ڈی ایم کے پروگرام پر ردعمل دیتے ہوئے خیبرپختون خواہ حکومت کے ترجمان کامران بنگش نے دعویٰ کیا کہ پی ڈی ایم میں شامل 25 جماعتیں ایک ماہ کی محنت کے باوجود پشاور مین صرف 250 افرادکو جمع کر سکے۔
