سابق گورنر پنجاب عمر سرفراز چیمہ نےگورنر شپ سے برطرفی کا نوٹیفکیشن عدالت میں چیلنج کرنے کا فیصلہ کرلیا۔
عمر سرفراز چیمہ جلد ہی عدالت میں گورنر شپ سے ہٹائے جانے کا کابینہ ڈویژن کا نوٹیفکیشن پیش کرینگے ، اس ضمن میں انہوں نے قانونی ماہرین سے مشاورت بھی کر لی ہے ۔
نجی ٹی وی کے مطابق امکان ہے کہ عمر سرفراز چیمہ آج ہی اسلام آباد ہائیکورٹ سے رجوع کریں گے جہاں وہ گورنر ہاؤس میں داخلے سے روکنے کیلئے پولیس تعیناتی کا معاملہ بھی اٹھائیں گے ۔
