پاکستان تحریک انصاف (پی ٹی آئی) کے رہنما اور سابق وفاقی وزیر اطلاعات فواد چوہدری کا کہنا ہے کہ نادانوں کی رائے ہمیشہ چپکے رہنے کی ہوتی ہے، حکومت خود نہیں جائے گی تو نکالا جائے گا۔
سماجی رابطے کی سائٹ ٹوئٹر پر جاری سلسلہ وار بیان میں فواد چوہدری نے کہا کہ معاملات پیچیدہ کرنے کے بجائے سیاسی جماعتیں الیکشن کمیشن کی تشکیل نو کریں اور بنیادی اصلاحات پر آگے بڑھیں۔
عقل کی بات کئ دفعہ دیر سے سمجھ آتی ہے،موجودہ امپورٹڈ حکومت کو جانا ہی ہے خود نہیں جائیں گےتو نکالے جائیں گے نکالے جانے کے عمل میں ملکی معیشت کو اور نقصان پہنچا کر امپورٹڈ حکومت کس کی خدمت کرنا چاہتی ہے؟ عملی طور پر حکومت ختم ہو چکی ہے حقیقت کا ادراک کریں اورعوام کو فیصلہ کرنےدیں
— Ch Fawad Hussain (@fawadchaudhry) May 18, 2022
انہوں نے کہا کہ بہتر تھا جون کے پہلے ہفتے میں اسمبلیاں تحلیل کر کے نئے انتخابات منعقد کرائے جاتے، نادانوں کی رائے ہمیشہ چپکے رہنے کی ہوتی ہے اور اب بھی یہی ہو رہا ہے۔
ان کا یہ بھی کہنا تھا کہ عقل کی بات کئی دفعہ دیر سے سمجھ آتی ہے، نکالے جانے کے عمل میں معیشت کو اور نقصان پہنچا کر امپورٹڈ حکومت کس کی خدمت کرنا چاہتی ہے؟۔
فواد چوہدری نے کہا کہ عملی طور پر حکومت ختم ہو چکی ہے، حقیقت کا ادراک کریں اور عوام کو فیصلہ کرنے دیں۔
