قومی کرکٹ ٹیم کے کپتان بابراعظم پاکستان کے بلے بازوں میں سے ٹی ٹونٹی میں پاکستان کیلئے سب سے زیادہ رنز بنانے والے کھلاڑی بن گئے ہیں۔
بنگلہ دیش کے خلاف ٹی ٹونٹی سیریز کے دوسرے میچ میں ایک رن بنانے کے باوجودبابراعظم مجموعی طور 2515 رنز بنا کر پہلے نمبر پر آ گئے ہیں۔ بابر اعظم نے یہ ریکارڈ 69 میچز کی 64 اننگز کھیل کر قائم کیا ہے۔
اس سے پہلے یہ اعزاز محمد حفیظ کے پاس تھا، جنہوں نے 119 میچز میں 108 اننگز کھیل کر 2514 رنز بنائے ہیں۔
ٹی ٹوئنٹی میں پاکستان کے تیسرے نمبر پر سب سے زیادہ رنز بنانے والے کھلاڑی شعیب ملک ہیں جنہوں نے 123 میچز میں 2423 رنز بنائے ہیں۔
The KING @babarazam258 at the top! 👏 pic.twitter.com/PlGNaY2enZ
— Pakistan Cricket (@TheRealPCB) November 20, 2021
