لاہور کی سپیشل عدالت میں وزیر اعظم شہباز شریف اور وزیر اعلیٰ حمزہ شہباز پر 16ارب روپےکے منی لانڈرنگ کیس کی سماعت کے دوران پولیس نے جج کی گاڑی کو روک لیاجس پر عدالت نے ایس پی سول لائنز کو طلب کر لیا ہے۔

ایس پی سول لائنز عدالت میں پیش ہوئے ان کا کہنا تھا کہ یقین دہانی کرانا چاہتا ہوں کہ آئندہ ایسا نہیں ہو گا جس پر جج نے کہا کہ آئندہ کی بات نہیں کر رہے آج کی بات کریں ،آج جس نے یہ سب خراب کیا اس کیخلاف کارروائی کر کے بتائیں ، میں اس پر باقائدہ حکم جاری کروں گا۔
عدالت نے استفسار کیا کہ کیا سیکیورٹی کا یہ مطلب ہے کہ آپ کام میں رکاوٹ ڈالیں؟
واضح رہے کہ عدالت میں سماعت سے قبل سیکیورٹی پر مامور پولیس اہلکاروں نے سپیشل کورٹ کے فاضل جج کی گاڑی کو بھی روک دیا تھا اور انہیں عدالت داخل نہیں ہونے دیا گیاتھا