ایک ہی دن میں اے آر وائی کے دو اینکرز پر مقدمی درج، ارشد شریف کے  بعد صابر شاکر پر بھی مقدمہ درج کر لیا گیا ۔

تفصیلات کے مطابق ارشد شریف کے بعد  سینئر صحافی صابر شاکر پر سندھ کے شہر پر میر پورخاص میں مقدمہ درج کر لیا گیا ۔اداروں کے خلاف بیان دینے پرمہران پولیس سٹیشن پر مقدمہ درج کیا گیا۔

مقدمہ محمود حسن  نامی شہری کی مدعیت میں درج کیا گیا ہے۔ مقدمے میں دفعہ 153، 505 اور 131 شامل کی گئی۔

اس سے قبل اے آر وائی نیوز کے اینکر پرسن ارشد شریف کے خلاف حیدر آباد میں مقدمہ درج کیا گیا ہے، مقدمہ ریاستی اداروں کےخلاف گفتگو کرنے کے تحت درج کیا گیا، پولیس نے بتایا کہ طیب حسین نامی نوجوان نے گزشتہ روزمقدمہ درج کرایا ہے۔

اب چیف جسٹس اسلام آباد ہائی کورٹ اطہر من اللہ نے ارشد شریف کی درخواست آج رات سماعت کے لیے مقرر کردی ہے۔ ارشد شریف کی پٹیشن پر اسلام آباد ہائی کورٹ نے حکم جاری کر دیا ہے جس کے مطابق عدالت نے صحافی کو رات ساڑھے 11 بجے پیش ہونے کا کہا ہے۔

جسٹس اطہرمن اللہ نے آئی جی اور ڈی آئی جی اسلام آباد کو ہدایت کی ہے کہ وہ ارشد شریف کی حاضری میں معاونت کریں۔