پاکستان تحریک انصاف کے رہنما شہباز گل نے کہا ہے کہ امپورٹڈ حکومت ہر روز آئین اور قانون کی خلاف ورزی کی نئی داستانیں رقم کر رہی ہے۔
سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں شہباز گل نے لکھا کہ آج پنجاب اسمبلی کو بند کرکے ڈی جی پارلیمانی افیئرز اور سیکرٹری پنجاب اسمبلی کو گرفتار کر کے انہوں نے بتا دیا کہ خاندان شریفیہ کی جمہوریت صرف ایک خاندان کو غیر قانونی اقتدار پر قابض ہونے کا نام ہے۔
امپورٹڈ فاشسٹ حکومت ہر روز آئین اور قانون کی خلاف ورزی کی نئ داستانیں رقم کر رہی ہے آج پنجاب اسمبلی کو بند کرکے ڈی جی پارلیمانی افیئرز اور سیکرٹری پنجاب اسمبلی کو گرفتار کر کے انہوں نے بتا دیا کہ خاندان شریفیہ کی جمہوریت صرف ایک خاندان کو غیر قانونی اقتدار پر قابض ہونے کا نام ہے
— Dr. Shahbaz GiLL (@SHABAZGIL) May 22, 2022
جاری کردہ ٹوئٹ میں شہباز گل لکھتے ہیں کہ جس طرح سے پنجاب پولیس اور بیوروکریسی شریف خاندان کے لئے غیر قانون غیر آئینی کام کر رہی ہے شرمناک ہے۔انہوں نے لکھا کہ جیسے ہی حکومت میں آئیں گے ایک کمیشن بنائیں گے اور اس کے سامنے یہ سارے کارنامے رکھ کر ان بیوروکریٹس کا سزائیں دلوائیں گے۔انہوں نے مزید لکھا کہ جو ریٹائیرڈ ہو گیا ہو گا یہی کمیشن اس کا بھی قانونی احتساب کریگا۔
